Jekeshelendirýge beriletin obekti ıelerine qandaı talaptar qoıylady

<p>ASTANA. KAZINFORM &ndash; Básekelestikti qorǵaý jáne damytý agenttiginiń tóraǵasy Marat Omarov jekeshelendirýge jatatyn obektilerdiń tizimi jasalyp jatqanyn málimdedi. Tolyq tizim shildeniń sońyna deıin daıyn bolady.&nbsp;</p>

«Eger áleýmettik nysan bolsa, onyń ıesi 5-7 jylǵa deıin beıindik baǵytyn ózgertýge quqyǵy joq. Mysaly, mektep bolsa, demek onyń qyzmettik baǵytyn ózgertýge bolmaıdy, kerisinshe ınvestıtsııa quıyp, jóndeý júrgizip, jumysty jalǵastyrýy kerek», - dedi Marat Omarov BAQ ókilderiniń saýalyna jaýap bere turyp.

Onyń aıtýynsha, 3 jylǵa arnalǵan jekeshelendirý baǵdarlamasy kezeń-kezeńmen júrgiziledi. 

«Jyl sońyna deıin jekeshelendirýge jatatyn aktıvterge (obektiler) qatysty sheshim qabyldanady. Al kelesi jyldan bastap ınvestorlardyń qyzyǵýshylyǵyna sáıkes, júzege asyryla bastaıdy. Strategııalyq obektiler, erekshe jandarǵa jáne áleýmettik osal topqa arnalǵan sol sııaqty memlekettiń baqylaýy men qatysýyn talap etetin basqa da áleýmettik nysandar jekege berilmeıdi. Onyń qatarynda keıbir densaýlyq saqtaý nysandary da bar», - deıdi agenttik basshysy. 

Foto: Vıktor Fedıýnın/ Kazinform

Buǵan deıin habarlaǵanymyzdaı, elimizde jekeshelendirýge arnalǵan saıt iske qosylady. Búginde elimizde áleýmettik basqa da obektilerdi jekeshelendirýdiń metodologııasy, tásilderi men mehanızmderin qarastyrylyp jatyr.

Aıta keteıik, búgin Astanada jekeshelendirý jónindegi ulttyq keńseniń alǵashqy otyrysy ótti. Oǵan Májilis depýtattary, memlekettik jáne kvazımemlekettik organdardyń ókilderi men sarapshylar qatysty.