Jekeshelendirýdiń keshendi josparynyń oryndalýy 47 protsentti quraıdy
Qazirgi ýaqytta jekeshelendirýdiń keshendi jospary ózektendirilip, túzetý nátıjesi boıynsha tolyqtyryldy. Búginde 879 nysandy quraıdy. Jekeshelendirýdiń keshendi jospary boıynsha 2016 jyldan beri 226 nysan satyldy. Satý baǵasy 63 mlrd. teńgeni qurady. Onyń ishinde 18 respýblıkalyq menshik nysany boıynsha bıýdjetke 7 mlrd. teńge tústi. 113 kommýnaldyq menshik nysanyn satýdan 17 mlrd. teńge jáne 95 kvazımemlekettik nysanyn satýdan 39 mlrd. teńge túsken bolatyn. Munan bólek 190 nysan qaıta qurylyp, taratyldy. Osylaısha jekeshelendirýdiń keshendi josparynyń qazirgi ýaqytta oryndalýy 47 protsentti quraıdy. Bul qaıta qurylatyn jáne taratylatyn nysandardy qosa alǵandaǵy derek», - dedi Baqyt Sultanov.
Onyń aıtýynsha, aǵymdaǵy jyly jekeshelendiretin nysandardyń 156-sy saýda shyǵarypy, búginde 45-i 5,9 mlrd. teńgege satyldy. 98 nysan jaıta uıymdastyrý jáne taratý kezeńinde tur. 85 nysan baǵalanýda. Olar jol kartasyna sáıkes osy jyldyń shilde aıynyń sońyna deıin satylymǵa shyǵarylady.
«Sonymen qatar shilde-tamyz aılarynda shamamen 105 nysan baǵalanady. Onyń 65-i kommýnaldyq menshik, 7-eýi - respýblıkalyq menshik, 15-i - ulttyq kompanııalardyń, 17-si áleýmettik-kásipkerlik korporatsııalardyń menshigi. Oylaısha, aǵymdaǵy jyldyń qazan aıyna deıin 488 nysannyń 95 protsenti satylymǵa shyǵarylady», - dedi mınıstr.