Jekeshelendirýden bıýdjetke 57 mlrd teńge túsken

ASTANA. QazAqparat – Jekeshelendirý naýqanynan bıýdjetke 57 mlrd teńge túsken. Bul jaıynda QR Premer-mınıstriniń orynbasary – Qarjy mınıstri Úkimet otyrysynda Erulan Jamaýbaev málim etti, dep habarlaıdy QazAqparat tilshisi.

«Jekeshelendirýdiń 2021-2025 jyldarǵa arnalǵan keshendi josparynda 675 obektini satý kózdelgen. Esepti kezeńde somasy 57 mlrd teńgege 245 obekt satyldy jáne keıinnen satyp alý quqyǵymen senimgerlik basqarýǵa berildi», - dedi vıtse-premer.

Onyń sózine qaraǵanda, qazir 48 obekt satýǵa qoıylǵan.

«Taǵy 52 obekt qaıta uıymdastyrýǵa jáne taratýǵa jiberildi. 330 obektini satý aldyndaǵy daıyndyq júrip jatyr», - dedi Erulan Jamaýbaev.