Jekeshelendirý jospary jyldyń sońyna deıin oryndalýy tıis - Úkimet basshysy

ASTANA. QazAqparat - Memleket menshigindegi nysandardy jekeshelendirý jospary jyldyń sońyna deıin oryndalýy tıis. Búgin Úkimettiń selektorlyq rejimdegi otyrysynda QR Premer-Mınıstri Baqytjan Saǵyntaev Mınıstrler kabıneti múshelerine osyndaı tapsyrma berdi, dep habarlaıdy QazAqparat. 

«Búgingi baıandamalardan kórip otyrǵanymyzdaı, jekeshelendirý máseleleri boıynsha satý kestege saı júrgizilip otyr. 75 paıyzǵa jettik. Degenmen áli de biraz nysandar boıynsha kesheýildeý bar. Kestege sáıkes barlyq jumystardy júrgizý jáne jyldyń sońyna deıin nysandardyń barlyǵy satylýy kerek. Óıtkeni, ózderińiz de bilesizder, jekeshelendirý máselesi, jumystyń atqarylýy  Elbasynyń nazarynda. Jyldyń sońyna deıin jospar oryndalýy kerek. Asqar Uzaqbaıuly (QR Premer-Mınıstriniń birinshi orynbasary), baqylaý sizge júkteledi», - dedi Baqytjan Saǵyntaev.

Aıta keterligi, búgingi Úkimettiń otyrysynda QR Qarjy mınıstri Baqyt Sultanov jekeshelendirýdegi problemalardy atady.  

Sonymen qatar, ol jekeshelendirýge shyǵarylǵan TOP nysandar baǵalaý qunynan 1,5 mlrd teńge qymbatqa satylyp jatqanyn aıtqan edi.