Jekeshelendirý jospary: 674 nysan ótkiziledi
«Jekeshelendirýdiń 2021-2025 jyldarǵa arnalǵan keshendi josparynda memlekettik menshik pen kvazımemlekettik sektordyń 674 obektisin ótkizý kózdelgen. Onyń ishinde respýblıkalyq menshiktiń 8 obektisi, kommýnaldyq menshiktiń - 448, ulttyq holdıngter men ulttyq kompanııalardyń – 65 jáne Áleýmettik kásipkerlik korporatsııasyna tıesili 153 obekti bar. Eger bas kompanııalardyń quramynda enshiles uıymdar da iske asyrylatynyn eskere otyryp, obektilerdiń jalpy sany 736-ny qurady», - dedi mınıstr.
1 aqpandaǵy jaǵdaı boıynsha 384 obekt boıynsha ótkizýdiń Jol kartalary ázirlendi jáne bekitildi. Respýblıkalyq menshiktiń 8 obektisin ótkizý boıynsha daıyndyq is-sharalary belsendi júrgizilip jatyr. Onyń ishinde 7 obekt 2021 jyly, 1 nysan 2022 jyly satylymǵa shyǵarylady.
«Búgingi kúni 290 obekt boıynsha jol kartalary áli bekitilmegen. Olardyń kommýnaldyq menshiktegisi – 183, ulttyq holdıngter men kompanııalardiki – 39 jáne Áleýmettik kásipkerler korporatsııalaryna tıesili 68 nysan bar. Memleket basshysynyń bergen tapsyrmalaryna baılanysty Keshendi jospardyń iske asyrylýyn jedeldetý qajet. Ol úshin jergilikti atqarýshy organdarǵa, Áleýmettik kásipkerlik korporatsııalarǵa, Ulttyq basqarýshy holdıngterge jáne ulttyq kompanııalarǵa obektilerdi ótkizýdiń jol kartalaryn shuǵyl túrde ázirleýdi jáne bekitýdi tapsyrýdy suraımyn. Bul rette obektilerdiń basym bóligin ótkizý merzimderi 2021 jylǵa josparlanýy tıis», - dedi E. Jamaýbaev.