Jekeshelendirý jospary: 205 nysandy satylymnan alyp tastaý usynyldy

NUR-SULTAN. QazAqparat – Jyl basynan beri jekeshelendirý jospary aıasynda 229 nysan satyldy. Bul týraly QR Premer-Mınıstriniń orynbasary, Qarjy mınıstri Erulan Jamaýbaev aıtyp berdi, dep habarlaıdy QazAqparat tilshisi.

«Jekeshelendirýdiń 2021-2025 jyldarǵa arnalǵan keshendi josparynda 721 nysandy satý kózdelgen. Esepti kezeńde jalpy sany 670 nysannan 61 mlrd teńgege 229 nysan satyldy jáne keıinnen satyp alý quqyǵymen senimgerlik basqarýǵa berildi», - dedi Qarjy mınıstri Úkimettiń búgingi otyrysynda.

Onyń aıtýynsha, 68 nysan satýǵa qoıyldy, 37 nysan qaıta uıymdastyryldy jáne taratyldy, 131 nysan satý aldyndaǵy daıyndyqta tur.

«205 nysan jańa jeke operatorlardyń paıda bolýyna jol bermeý turǵysynan Ekonomıkany monopolııasyzdandyrý jónindegi komıssııanyń sheshimimen Keshendi jospardan alyp tastaýǵa usynylady. Bul nysandar óńirlerde balamasyz áleýmettik mańyzy bar qyzmetterdi kórsetedi. Bul rette Jekeshelendirýdiń keshendi jospary negizinen kvazımemlekettik sektordyń 171 nysany tolyqtyrylady», - dedi E. Jamaýbaev.