Jekeshelendirý aıasynda 125,5 mlrd. teńgege 451 nysan satyldy
Mınıstrdiń dereginshe, jekeshelendirýdiń 2016 - 2020 jyldarǵa arnalǵan keshendi jospary aıasynda básekeles ortaǵa 878 uıymdy berý kózdeledi. Onyń 68-i iri kompanııalar. Olardyń 14-i respýblıkalyq menshikte, 1-eýi kommýnaldyq menshikte, al 53-i ulttyq basqarýshy holdıngterdiń qaramaǵynda. Munan bólek qorlardyń quramyna kiretin 168 nysan bar. 50 respýblıkalyq uıym men 440 kommýnaldyq menshiktegi nysan da atalǵan jospar aıasynda jeke ıelikke ótetin bolady. Al 152 uıym ulttyq basqarýshy holdıngterdiń, ulttyq holdıngterdiń jáne ulttyq kompanııalardyń menshigindegi nysandar.
Ekonomıkany jandandyrý máseleleri jónindegi memlekettik komıssııanyń 2017 jylǵy 15 aqpandaǵy usynystary boıynsha QR Úkimetiniń sheshiminiń negizinde «Apattar medıtsınasynyń temir jol gospıtaldary» AQ-nyń 14 fılıaly derbes zańdy tulǵalarǵa bólindi jáne «Astana halyqaralyq áýejaı» AQ «Kókshetaý avıakompanııasy» AQ qosyp alý jolymen qaıta uıymdastyryldy. Osyǵan baılanysty jekeshelendirý nysandarynyń sany 891-ge deıin kóbeıdi», - dedi Súleımenov.
Onyń aıtýynsha, búgingi kúni satylatyn nysandardyń sany 589 uıymdy quraıdy. Olardyń 488-i bıyl, al 101-i kelesi jyly satylady dep josparlanǵan.
«Іri kompanııalardy satý máseleleri turaqty túrde memlekettik komıssııanyń otyrystarynda qaralady. Búgingi kúni TOP-68-den 32 aktıvti satý tásili boıynsha sheshimder qabyldandy. Onyń ishinde 8 kompanııa respýblıkalyq menshikte jáne 24 kompanııa qorlardyń menshigi. Jalpy 2014 jylǵy maýsymnan bastap 2017 jylǵy 23 maýsymǵa deıin 125,5 mlrd. teńgege 451 nysan satyldy»,- dedi ol.