Jekeshelendirý: 70 nysan satylymǵa qoıyldy
11:09, 11 Tamyz 2021
NUR-SULTAN. QazAqparat – Búgin Úkimet otyrysynda bıylǵy jeti aıdaǵy áleýmettik-ekonomıkalyq damýdy talqylaý kezinde Qarjy mınıstri Erulan Jamaýbaev jekeshelendirý qarqyny jaıynda baıandady, dep habarlaıdy QazAqparat tilshisi.
«Jekeshelendirýdiń 2021-2025 jyldarǵa arnalǵan keshendi josparynda 733 obektini satý kózdelgen. Esepti kezeńde somasy 25 mlrd teńgege 78 obekt satyldy jáne keıinnen satyp alý quqyǵymen senimgerlik basqarýǵa berildi», - dedi E. Jamaýbaev.
Onyń aıtýynsha, 70 obekt satylymǵa qoıyldy. 5 obekti taratylýǵa jiberildi.
«Aldaǵy ýaqytta 520 obektini ótkizý kerek», - dedi mınıstr.
Eske salsaq, bıýdjetke kirister boıynsha josparlar barlyq óńirlerde asyra oryndaldy. Bul týraly Úkimet otyrysynda bıylǵy jeti aıdaǵy áleýmettik-ekonomıkalyq damýdy talqylaý kezinde Qarjy mınıstri Erulan Jamaýbaev aıtty.