Jekeshelendirý: 32 obekt satylymda tur
10:53, 09 Qyrkúıek 2020
NUR-SULTAN. QazAqparat – Jekeshelendirýdiń keshendi jospary aıasynda jyl basynan beri 6 obekt satyldy. Bul týraly QR Qarjy mınıstri Erulan Jamaýbaev aıtyp berdi, dep habarlaıdy QazAqparat.
«2016-2020 jyldarǵa arnalǵan Jekeshelendirýdiń keshendi jospary 93%-ke oryndaldy. 2020 jyly 74 obektini satý josparlanyp otyr. Onyń ishinde 38-i satylymǵa qoıyldy. Esepti kezeńde 88,4 mlrd teńgege 6 obekti satyldy. Saýda-sattyqta 32 obekti tur», - dedi mınıstr Úkimet otyrysynda.
Onyń aıtýynsha, 5 obekti qaıta uıymdastyrýǵa jáne taratýǵa jiberildi. 18 obekti jyl sońyna deıin satýǵa qoıylady.
«13 obekt boıynsha iske asyrý merzimi 2021-2024 jyldarǵa aýystyryldy», - dedi E. Jamaýbaev.