Jekeshelendirý: 2021-2025 jyldary 733 nysan satylady
13:10, 10 Qarasha 2021
NUR-SULTAN. QazAqparat – Jekeshelendirý jospary boıynsha 51 mlrd teńgege 170 nysan satyldy. Bul týraly QR Qarjy mınıstri Erulan Jamaýbaev aıtty, dep habarlaıdy QazAqparat.
«Jekeshelendirýdiń 2021-2025 jyldarǵa arnalǵan keshendi josparynda 733 nysandy satý kózdelgen. Bul kezeńde 51 mlrd teńgege 170 nysan satyldy jáne keıinnen satyp alý quqyǵymen senimgerlik basqarýǵa berildi», - dedi E. Jamaýbaev Úkimet otyrysynda.
Mınıstrdiń aıtýynsha, 108 nysan satylymǵa qoıyldy jáne 13 nysan qaıta uıymdastyrýǵa jáne taratylýǵa jiberildi. Aldaǵy ýaqytta 382 nysandy ótkizý kerek.
Buǵan deıin Qarjy mınıstri jyl basynan beri 2 765 aýdıtorlyq is-shara ótkizilgenin jáne 156 mlrd teńge somasyna qarjylyq zańbuzýshylyqtar anyqtalǵanyn habarlaǵan edi.