Jekeshelendirý: 200-den astam mańyzdy nysan tizimnen alynyp tastaldy

ASTANA. QazAqparat – Memlekettik monopolısterdiń ornyna jeke monopolısterdiń paıda bolýyna jol bermeý úshin kommýnaldyq sharýashylyqtardy jekeshelendirý tásili qaıta qaraldy. Bul týraly QR Ulttyq ekonomıka mınıstri Álibek Qýantyrov aıtty, dep habarlaıdy QazAqparat tilshisi.

«Qyzmetterdiń qoljetimdiligin qamtamasyz etý úshin jáne olardyń sapasynyń nasharlaýyn boldyrmaý maqsatynda jekeshelendirý obektiler tiziminen jergilikti tabıǵı monopolııalar nysany bolyp sanalatyn jáne halyqtyń tirshiligin qamtamasyz etý úshin mańyzdy 200-den astam áleýmettik mańyzy bar obektiler alynyp tastaldy. Osylaısha, bul obektiler memlekettiń menshiginde qalady», - dedi Á. Qýantyrov Úkimettiń búgingi otyrysynda.

Sonymen qatar aldaǵy ýaqytta mundaı obektilerdi jekeshelendirý týraly másele tek ınvestorlar tarapynan memleket múddelerin eskeretin sharttarmen kelisken jaǵdaıda ǵana qaralýy múmkin.

«Osylaısha, Memlekettik múlik tiziliminde «Tabıǵı monopolııalar sýbektileri» degen jańa bólim paıda bolady. Atalǵan bólimde jeke ınvestorlar ınvestıtsııalyq baǵdarlamasyn usynyp, nysandy satyp alýǵa ótinimin berý múmkindigi kózdeletin bolady», - deıdi Ulttyq ekonomıka mınıstri.

Buǵan deıin memlekettik nysandardy jekeshelendirýdiń jańa krıterııleri bekitilgenin aıtqan edi.