Jekeniń qolynda ketken Qorǵastyń termınaly memleketke qaıtaryldy

<p>ASTANA. KAZINFORM — Prokýrordyń shaǵymymen «Qorǵas» shekaramańy yntymaqtastyq halyqaralyq ortalyǵynyń múlki qaıtaryldy. </p>

Prokýratýra organdary tekserý kezinde 2018 jyly 900 sharshy metrden asatyn «Qorǵas» shekaramańy yntymaqtastyǵy halyqaralyq ortalyǵynyń bagaj termınaly 90 mln teńgege satylǵanyn anyqtady. 

Keıinnen 2023 jyly onyń astyndaǵy 1,9 ga jer ýchaskesin 500 myń teńgege ýaqytsha paıdalanýǵa qosymsha satý-satyp alý sharty jasaldy.

Alaıda taraptar múlik satý erejelerin saqtamaǵan, múlikti baǵalaý bekitilgen standarttardy óreskel buza otyryp júrgizilgen.

Onyń ústine jer telimin ıelikten shyǵarý ǵımarat satylǵan soń 4 jyldan keıin júzege asqan.

Osyǵan baılanysty prokýrorlar bul aktıvterdi memleket menshigine qaıtarý úshin sotqa júgindi.

Jetisý oblysynyń mamandandyrylǵan aýdanaralyq ekonomıkalyq sotynyń bılǵy 19 naýryzdaǵy zańdy kúshine engen sheshimimen talaptar qanaǵattandyryldy, shart jaramsyz dep tanyldy.