Jekemenshik mektepterde oqıtyn jekelegen sanattaǵy balalar tegin oqýlyqpen qashan qamtylady
«Búgingi kúni memlekettik mektepterde jekelegen sanattaǵy 465 myń bilim alýshy 100 paıyz materıaldyq kómek alyp jatyr. Onyń ishinde tegin ystyq tamaqpen, kıim-keshekpen, oqýlyqtarmen, mektep jazý quraldarmen qamtamasyz etilgen. Qazirgi tańda respýblıka boıynsha memlekettik tapsyrys alatyn jekemenshiktegi 668 mektep tirkelgen. Jergilikti atqarýshy organdardyń derekteri boıynsha onda jekelegen sanattaǵy 28 756 bala bilim alyp jatyr. Úkimettiń bastamasymen menshik nysanyna qaramastan bilim berý uıymdaryndaǵy jekelegen sanattaǵy bilim alýshylar men tárbıelenýshilerge jergilikti bıýdjet esebinen materıaldyq kómek kórsetý, onyń ishinde kıim-keshek jáne ystyq tamaqpen qamtamasyz etý «Qazaqstan Respýblıkasynyń keıbir zańnamalyq aktilerine bilim berý jáne bala quqyqtaryn qorǵaý máseleleri boıynsha ózgerister men tolyqtyrýlar engizý týraly» zań jobasynda qarastyrylǵan», - dedi Álıhan Smaıylov.
Onyń atap ótýinshe, bul máseleni jergilikti atqarýshy organdar qoldap, 2024-2026 jyldarǵa arnalǵan jergilikti bıýdjetten 12,1 mlrd teńge mólsherinde qosymsha qarjy bólinetinin rastady. Atalǵan ózgerister men tolyqtyrýlar kúshine engennen keıin osy normalardy retteıtin zańǵa táýeldi aktilerge tıisti ózgerister engizilgen soń jekemenshik mektepterdegi kómekke muqtaj otbasy balalaryna tıisti qoldaý kórsetiledi.
«Parlament Májilisiniń depýtattary bastama jasaǵan «Qazaqstan Respýblıkasynyń keıbir zańnamalyq aktilerge bilim berý máseleleri boıynsha ózgerister men tolyqtyrýlar engizý týraly» zań jobasy aıasynda menshik nysanyna qaramastan mektep oqýshylaryn oqýlyqpen qamtamasyz etý boıynsha túzetýler usynyldy. Osyǵan oraı Oqý-aǵartý mınıstrligi jekelegen sanattaǵy balalardy jekemenshik mektepterde oqýlyqtarmen qamtamasyz etý úshin jergilikti jáne ortalyq memlekettik organdarmen qarjy-ekonomıkalyq shyǵyndaryn rastaý jáne kelisý boıynsha jumys júrgizýde. Nátıjesi boıynsha tıisti sheshim qabyldanatyn bolady», - dedi Úkimet basshysy.