Jekelegen taýar baǵasy kóterilgende shekti baǵalardy ákimshilik bekitý quraly qoldanylady - Sultanov

NUR-SULTAN. QazAqparat – Jekelegen taýar baǵasy kóterilgende shekti baǵalardy ákimshilik bekitý quraly qoldanylady. Bul týraly búgin Úkimet otyrysynda QR Premer-Mınıstriniń orynbasary – Saýda jáne ıntegratsııa mınıstri Baqyt Sultanov aıtty, dep habarlaıdy QazAqparat tilshisi.

Onyń atap ótýinshe, Kásipkerlik kodeksinde azyq-túlik taýarlaryna shekti baǵalardy qoldaný quraldary kózdelgen.

«Básekelestikti qorǵaý jáne damytý agenttigimen, Ulttyq ekonomıka jáne Aýyl sharýashylyǵy mınıstrlikterimen birlesip, shekti baǵalar tetigi qaıta qaraldy. Bul baǵanyń odan ári ósý qaýpin boldyrmaýǵa múmkindik beredi. Jekelegen taýarlar boıynsha baǵalar aıtarlyqtaı ósken jaǵdaıda, monopolııaǵa qarsy organ belgilengen tártippen shekti baǵalardy ákimshilik bekitý quraly ýaqtyly qoldanylatyn bolady»,- dedi Baqyt Sultanov.

Sonymen qatar mınıstr Saýda komıtetiniń qyzmetin fýnktsıonaldyq kúsheıtýge baılanysty shuǵyl zańnamalyq bastamalar daıyndalatyndyǵyn atap ótti.

«Budan basqa, maýsymaralyq jáne pandemııa kezeńindegi baǵanyń sebepsiz ósýine baılanysty ótken jyldardyń tájirıbesin eskeretin basqa da máseleler pysyqtalýda», - dedi ol.