Jekelegen daýlardy tatýlasy arqyly sotqa deıin sheshýdiń pılottyq jobasy talqylanýda

ASTANA. QazAqparat - Astana qalalyq soty jekelegen sanattar boıynsha daýlardy (janjaldardy) medıatsııa tártibimen sotqa deıingi retteýdi engizý boıynsha pılottyq jobany talqylaý jóninde «dóńgelek ústel» ótkizdi.

Talqylaýǵa elordalyq sýdıalar, «Nur Otan» HDP, Astana qalasy ákimi apparatynyń, QR Sýdıalar Odaǵy fılıalynyń, «Adam jáne tutynýshy quqyqtaryn halyqaralyq qorǵaý ortalyǵy» QB, «Medıatsııany damytý ortalyǵy» RQB, Astana qalasy notarıaldyq palatasynyń, Astana qalasy kásipkerler palatasynyń, Astana qalasy energetıka basqarmasynyń, advokattar alqasynyń  ókilderi jáne saqtandyrý kompanııalarynyń basshylary qatysty.

Óz sózinde qalalyq sot sýdıasy G.Rahmetova  QR Joǵarǵy Soty medıatsııa ınstıtýtyn kúsheıtý maqsatynda ázirlegen jobanyń artyqshylyǵy men ereksheligin atap ótti. Sýdıa medıatsııany mindetti túrde ótkizý qajet bolatyn daýlar sanattaryna basa nazar aýdardy.

«Pılottyq joba azamattyq isterge mamandandyrylǵan, aýdanaralyq ekonomıkalyq, ıývenaldy, aýdandyq jáne olarǵa teńestirilgen  sottarda balalarǵa qatysty alımentter týraly, neke buzý, múlikti jáne muragerlikti bólý, eńbek jáne basqa da mindettemeler týraly daýlardy sotqa deıingi retteýdi kózdeıdi», - dep atap ótti qalalyq sottyń sýdıasy S.Álimbaeva.

Sýdıalar atap ótkendeı, bul joba medıatsııa ınstıtýtynyń odan ári damýyna jańa serpin beredi, ol tatýlasý rásimin qoldaný salasyn keńeıtýge, azamattardyń sot shyǵystaryn azaıtýǵa, ári halyqtyń daýdy sottan tys retteýine múddeli bolýyna  alyp keledi.

Іs-shara sońynda sýdıalar qatysýshylardan pılottyq jobany jumyla otyryp iske asyrýǵa shaqyrdy.