Jeke ıahtasy men ushaǵy bar azamattar shamamen 13 myń teńge ǵana salyq tólep júr - UEM

ASTANA. QazAqparat – Ulttyq ekonomıka -vıtse-mınıstri Azamat Ámrın Senatta ótken dóńgelek ústelde jeke ıahtasy men ushaǵy bar qaltaly azamattarǵa kólik salyǵyn arttyrýdy usyndy, dep habarlaıdy QazAqparat tilshisi.

Salyq saıasatyna engiziletin jańashyldyqtar týraly baıandama jasaǵan vıtse-mınıstr jeke ıahtasy men ushaǵy bar adamdardyń qansha salyq tólep júrgeni týraly málimet keltirdi.

«Bizde menshiginde ushaqtar men ıahtalary bar salyq tóleýshiler bar. Olardyń salyǵyn da qarap jatyrmyz. Bylaısha qarasaq, bir nysan úshin tólengen soma shamamen 13 myń teńge ǵana. Bul jerde, árıne, birneshe ese kóterý kerek. Ahýaldy túzeý kerek. ıAǵnı, ıahtalar men ushaqtardyń kólik salyǵyn ulǵaıtamyz», - dedi Azamat Ámrın.

Sondaı-aq, ol menshiginde birneshe páteri bar adamdardyń múlik salyǵyn esepteý tásili ózgerýi múmkin ekenin aıtty.