Jeke turǵyn úı qurylysyna negizdelgen 44 myń paıdalanylmaǵan jer telimi anyqtaldy
11:45, 19 Qarasha 2013
ASTANA. 19 qarasha. QazAqparat - 28 myń jer telimi qajetti ınfraqurylymmen qamtamasyz etilmegen.
Bul týraly búgin Úkimet otyrysynda Óńirlik damý mınıstri Bolat Jámishev málim etti. Jeke turǵyn úı qurylysyna bólingen jer telimderi máselesine toqtalǵan mınıstr: «Jer ýchaskeleriniń ıgerilmeýiniń negizgi sebebi retinde olardyń ınjenerlik ınfraqurylymynyń daıyn bolmaýyn atap ótýge bolady. Máselen, 28 myń jer telimi ınfraqurylymmen qamtamasyz etilmegen»,-dedi B. Jámishev. Osy oraıda mınıstr mundaı jaǵdaıǵa tap bolmas úshin jeke turǵyn úı qurylysyna laıyqtalǵan aýmaqtarda jer telimderin usynýdy qarastyrý kerektigin qadap aıtty. Taratylǵan málimetterge qaraǵanda, 2012 jyldary ótkizilgen túgendeý sharalary barysynda jeke turǵyn úı qurylysyna negizdelgen 44 myń paıdalanylmaǵan jer ýchaskesi anyqtalǵan.