Jeke tulǵalarǵa múlik salyǵyn tóleý merzimi aýystyryldy

ASTANA. QazAqparat - Jeke tulǵalardyń múlkine salynatyn salyqty tóleý merzimi «1 qazan» demalys kúnine sáıkes kelgendikten, tóleý merzimi 2022 jylǵy 3 qazanǵa aýystyrylady. Bul týraly Memlekettik kirister komıtetinde habarlady.

Salyq kodeksiniń 38-baby 2-tarmaǵynyń erejesine sáıkes, eger salyq mindettemesin oryndaý merziminiń sońǵy kúni demalys kúnine keletin bolsa, onda tólem merzimi kelesi jumys kúniniń sońynda aıaqtalady.

Sondyqtan 1 qazanǵa deıin tólem jasaı almaǵan azamattar búgin salyǵyn óteı alady. Ósimpuldy esepteý aǵymdaǵy jyldyń 4 qazanynan bastalady.

Eseptelgen salyq somasyn «kgd.gov.kz» saıtynda jáne «E-salyq Azamat» mobıldi qosymshasynda «Aldaǵy tólemder» servısinen, sondaı-aq bankterdiń Homebank jáne Kaspi.kz (memlekettik qyzmetter – salyq – kólik jáne múlik salyǵy- JSN terý) mobıldi qosymshalarynda bilýge bolady.

Salyq boıynsha bereshektiń bar ne joq ekenin «e-Salyq Azamat» (AppStore, PlayMarket) mobıldi qosymshasy→Elektrondyq servıster→Salyq jáne áleýmettik tólemder boıynsha bereshek servısi→JSN engizý arqyly tekserýge bolady.