Jeke tulǵalardyń múlik salyǵyn tóleý merzimi 2 qazanda aıaqtalady

ASTANA. QazAqparat – 1 qazan demalys kúni bolǵandyqtan, 2 qazanda 2022 jyl úshin jyljymaıtyn múlik jáne jer ýchaskeleri menshik ıeleriniń múlik salyǵyn tóleý merzimi aıaqtalady. Bul týraly QazAqparat Memlekettik kirister komıtetiniń baspasóz qyzmetine silteme jasap habarlaıdy.

1 qańtar - 31 jeltoqsan aralyǵyndaǵy kúntizbelik jyl jeke tulǵalardyń múlik salyǵyn esepteý úshin salyq kezeńi.

Salyqty esepti salyq kezeńinen keıingi jyldyń 1 shildesinen keshiktirmeı salyq organdary «Azamattarǵa arnalǵan úkimet» memlekettik korporatsııasy menshik quqyǵy boıynsha múliktiń naqty ıelený merzimin eskere otyryp aıqyndaǵan qun negizinde esepteıdi.

Múlik salyǵyn tóleý barysynda:

- ortaq birlesken menshikte ózara kelisim boıynsha múlik ıeleriniń biri salyq tóleýshi ​​bolyp tabylady. Eger salyq somasy barlyq menshik ıelerine kelse, onda menshik ıeleriniń bireýi ǵana tólem jasaıdy;

- ortaq úlestik menshikte salyq tóleýshiler osy múliktegi úlesine sáıkes múliktiń barlyq menshik ıeleri bolyp tabylady.

Salyq zańnamasyna sáıkes tólenýge jatatyn salyq somalary týraly habarlamalar shilde aıynda menshik ıelerine elektrondy túrde – Salyq tóleýshiniń kabınetine, «E-gov» portalyna, qaǵaz túrinde – tapsyrys hatpen, sondaı-aq túbirtek – kommýnaldyq qyzmetterdiń ERTs, ALSECO jáne t.b. arqyly habarlanady.

Sonymen qatar, aldaǵy tólemder týraly aqparat «Kaspi Bank» AQ jáne «Qazaqstan Halyq Banki» AQ mobıldi qosymshalaryn paıdalanýshylarǵa PUSH-habarlamalary túrinde jiberildi.

Salyq kommýnaldyq tólem arqyly nemese mobıldi qosymshalar arqyly bir ret tólenedi.

Qate tólemderdi boldyrmaý úshin kórsetilgen derektemelerdi paıdalana otyryp, tólemderdi bir ýaqytta júzege asyrý múmkindigimen naqty eseptelgen salyq somasyn kgd.gov.kz «Aldaǵy tólemder» servısinde jáne «E-salyq Azamat» mobıldi qosymshasynan, sondaı-aq bankterdiń mobıldi qosymshalarynan kórýge bolady.