Jeke tulǵalardyń qolma-qol aqshasyz operatsııalary 81 paıyzǵa ósti

ALMATY. QazAqparat – Jeke tulǵalardyń qolma-qol aqshasyz onlaın operatsııalarnyń úlesi 81%-ǵa deıin ósti, dep habarlaıdy QazAqparat tilshisi.

2020 jyly 3 mlrd jýyq qolma-qol aqshasyz operatsııa jasaldy. Bul kólemniń 81%-y onlaın-operatsııalar – ınternettegi tólemder men mobıldi bankıngke tıesili.

Bul rette aıtarlyqtaı ósim karantındik shekteýlerge baılanysty qalyptasyp otyr. Qolma-qol aqshasyz jasalǵan tranzaktsııalardyń jalpy sanyndaǵy onlaın-tranzaktsııalardyń úlesi 2020 jyldyń sońynda 66% -dy qurady, al 2020 jyldyń basynda ol tek 46% boldy.

2020 jyldyń qorytyndysy boıynsha, mobıldi jáne ınternet-bankıngti belsendi paıdalanýshylar sany 82%-ǵa artyp, 14 mıllıondy qurady.

Jalpy, osy qyzmetterdi qoldanýshylardyń sany bir jyl ishinde 46%-ǵa ósti.