Jeke tulǵalardyń bankrottyǵy týraly zań jobasy jyldyń aqpan aıynda daıyn bolady
Úkimet otyrysynda oqyǵa baıandamasynda vedomstvo basshysy kapıtaldy elden negizsiz shyǵarý bóligindegi zańnamaǵa qandaı túzetýler ázirlenip jatqanyn atady. Olar:
1) dıvıdendterge salyq salý kezindegi jeńildikterdi, onyń ishinde Qazaqstan Respýblıkasyndaǵy kózderden rezıdent emesterge tólenetin jeńildikterdi qaıta qaraý;
2) úlestes sheteldik kompanııalardan alynǵan «materıaldyq emes» qyzmetter boıynsha shegerimge shekteýler engizý;
3) baqylanatyn sheteldik kompanııa sheńberinde jeńildikterge shekteýler engizý.
«Sondaı-aq, transferttik baǵa belgileý boıynsha túzetýler jobasy ázirlendi. Ol Ekonomıkalyq yntymaqtastyq jáne damý uıymy sarapshylarynyń resmı qorytyndysynda qoldaý tapty. Bul qazaqstandyq eksport úshin ádil baǵanyń qalyptasýyna múmkindik beredi.
Budan basqa, Memleket basshysynyń tapsyrmasyna sáıkes jeke tulǵalardyń bankrottyǵy máseleleri boıynsha zań jobasy aǵymdaǵy jyldyń aqpan aıynda QR Premer-Mınıstri Keńsesine engiziletin bolady», - dedi Erulan Jamaýbaev.