Jeke tabys salyǵyn esepteýde aılyq eseptik kórsetkishtiń qaı mólsheri qoldanylady
«2020 jyldyń 1 sáýirinen bastap aılyq eseptik kórsetkishtiń ózgerýine baılanysty salyq salynatyn kiristi anyqtaýda onyń qaı mólsherin qoldaný qajettigi jóninde salyq tóleýshilerde saýal týyndaýda. «2020 jylǵa arnalǵan naqtylanǵan respýblıkalyq bıýdjet týraly» Qazaqstan Respýblıkasy Prezıdentiniń 2020 jylǵy 8 sáýirdegi № 299 Jarlyǵymen 2020 jylǵy 1 sáýirden bastap aılyq eseptik kórsetkish 2 778 teńge somasynda belgilendi», - delingen habarlamada.
Salyq kodeksimen salyq shegerimderin, sondaı-aq salyq salýdan bosatylatyn kiristerdi, túzetýlerdi eseptegende AEK balamasyna keltiriledi.
1. Jumyskerlerdiń qyzmettik saparyna baılanysty ótemaqy tólemderinen jeke tulǵanyń kirisi retinde qarastyrylmaıtyn tabysyn anyqtaýda sol tólemderdi esepteý kúnine qoldanysta bolǵan AEK paıdalanylady (Salyq kodeksi, 319-baptyń 2-tarmaǵy 1) tarmaqshasy).
2. Jarnama maqsatynda óteýsiz (onyń ishinde syıǵa tartý túrinde) berilgen taýardyń quny jeke tulǵanyń kirisi retinde qarastyrylmaıtyn tabysyn anyqtaýda taýardy berý kúnindegi AEK qoldanylady (319-baptyń 2-tarmaǵy 20) tarmaqshasy).
3. Bir lotereıa boıynsha utystan túsken kiristi túzetý kezinde utystardy esepteý kúnindegi AEK qoldanylady (341-baptyń 1-tarmaǵy 11) tarmaqshasy).
4. Qoǵamdyq jumystardy oryndaýǵa jáne kásiptik oqytýǵa baılanysty tólemder boıynsha kiristi túzetý úshin tólem júrgizý kúnindegi AEK qoldanylady (341-baptyń 1-tarmaǵy 12) tarmaqshasy).
5. Jeke tulǵanyń kirisi retinde qarastyrylmaıtyn:
- qyzmettik, jumyskerdi oqytý, biliktiligin arttyrý nemese qaıta daıarlaý maqsatyndaǵy issaparlar kezindegi ótemaqylardy (319-baptyń 2-tarmaǵy 2) tarmaqshasy);
- jarnama maqsatynda óteýsiz (onyń ishinde syıǵa tartý túrinde) berilgen taýardyń qunyn (319-baptyń 2-tarmaǵy 40) tarmaqshasy);
- derbes bilim berý uıymynyń shyǵystary jáne osyndaı uıymnyń jasaıtyn tólemderin (319-baptyń 2-tarmaǵy 42) jáne 43) tarmaqshalary);
- derbes bilim berý uıymynyń daıyndyq bóliminde oqıtyn jeke tulǵa alǵan materıaldyq paıdasyn (319-baptyń 2-tarmaǵy 44) tarmaqshasy) esepteý barysynda tıisti qarjy jylynyń 1 qańtaryndaǵy AEK qoldanylady (2020 jyly - 2 651 teńge).
6. Kiristi túzetý barysynda:
- jeke qosalqy sharýashylyqpen aınalysatyn árbir tulǵanyń jeke qosalqy sharýashylyǵynan kirisin (341-baptyń 1-tarmaǵy 14) tarmaqshasy);
- jeke tulǵa medıtsınalyq kórsetiletin qyzmetterge (kosmetologııalyqtan basqa) tólengen naqty shyǵystaryn, balasy týylǵan kezde jumyskerge materıaldyq kómek kórsetý túrindegi tólemderdi jáne jerleýge arnalǵan tólemderdi (341-baptyń 1-tarmaǵy 18) tarmaqshasy);
- jumys berýshiniń júktilik pen bosaný boıynsha demalysqa, jańa týǵan balany asyrap alǵan jumyskerlerdiń demalysyna aqy tóleýge arnalǵan shyǵystary túrindegi kiristerdi (341-baptyń 1-tarmaǵy 27) tarmaqshasy);
- AEK-tiń 25 eselengen mólsherinen aspaıtyn kirisine 90 paıyzdyq mólsherin (341-baptyń 1-tarmaǵy 49) tarmaqshasy) eseeptegende 2651 teńge mólsherindegi AEK qoldanylady.
7. Kelesi salyq shegerimderdi esepteýde :
1) myna adamdardyń salyq salynatyn tabystarynan 882 eselengen AEK mólsherindegi standartty shegerimderin alý úshin:
- UOS qatysýshysy jáne oǵan teńestirilgen adamnyń;
- Soǵysy jyldarynda tyldaǵy qajyrly eńbegi men minsiz áskerı qyzmeti úshin burynǵy SSSR ordenderimen jáne medaldarymen nagradtalǵan adamnyń;
- 1941 jylǵy 22 maýsym – 1945 jylǵy 9 mamyr aralyǵynda keminde alty aı jumys istegen (qyzmet ótkergen) jáne UOS jyldarynda tyldaǵy qajyrly eńbegi men minsiz áskerı qyzmeti úshin burynǵy SSSR ordenderimen jáne medaldarymen nagradtalmaǵan adamnyń;
- I, II nemese III toptardaǵy múgedektiń;
- múgedek balanyń kirisinen (346-baptyń 1-tarmaǵy 2) tarmaqshasy);
- múgedek balanyń ata-anasynyń, qorǵanshylarynyń, qamqorshylarynyń biriniń, bala kezinen múgedektiń ata-anasynyń, qorǵanshylarynyń, qamqorshylarynyń biriniń (346-baptyń 1-tarmaǵy 3) tarmaqshasy);
2) medıtsınaǵa arnalǵan salyqtyq shegerimge (348-baptyń 3-tarmaǵy) 2651 teńge mólsherindegi AEK qoldanylady.
Eńbek ımmıgranty-rezıdentiniń jumys jasaıtyn árbir aıy úshin jeke tabys salyǵy boıynsha aldyn-ala tólem 2 651 teńge AEK-tiń 2 eselengen mólsherinde esepteledi (360-baptyń 2-tarmaǵy).
Eske sala ketsek, buǵan deıin komıtet kólik salyǵy, alym, tólemaqy jáne bıýdjetke tólenetin basqa da mindetti tólemder, arnaýly salyq rejımin qoldaný boıynsha, Biryńǵaı jıyntyq tólem, oıyn bıznesi salyǵy boıynsha AEK qalaı qoldanylatynyn t úsindirip bergen edi.