Jeke sot sarapshylarynyń qyzmetin reglamentteıtin qaýymdastyq qurý qajet - B.Ábdiraıym

ASTANA. QazAqparat - Búgin Ádilet mınıstrliginde jeke sot sarapshylary ınstıtýtyn odan ary damytý máselelerine arnalǵan dóńgelek ústel otyrysy ótti.

Shara barysynda jeke sarapshylar men quqyq qorǵaý organdarynyń, sottardyń ózara is-qımylyn, qyzmetin úılestirý baǵytynda jeke sot sarapshylary ınstıtýtyn damytý jáne yntalandyrý máseleleri talqylandy.

«Jeke sot sarapshylarynyń qyzmetin reglamentteıtin qaýymdastyq nemese basqa bir kásibı uıym qurý qajet. Sonymen qatar Parlament qaraýynda ózin-ózi retteıtin uıymdar týraly zań jobasy jatyr. Atalǵan zań jobasynyń tujyrymdamasyna sáıkes ózin-ózi retteıtin uıymdarǵa sot-saraptamalyq qyzmet salasy da jatatyn bolady», - dedi QR Ádilet mınıstriniń orynbasary Baqytjan Ábdiraıymov.

Onyń atap ótýinshe, zań jobasynyń tujyrymdamasy áli qabyldanǵan joq. Qujat Parlament depýtattarynyń talqylaýynan ótýde.

«Nátıjesinde qurylatyn qaýymdastyq nemese sot sarapshylary palatasy ózin-ózi retteıtin uıymdar týraly zańnyń is-qımyl aıasyna kiretin bolady. Bul másele bizder úshin barynsha mańyzdy», - dedi ol.