Jeke sot oryndaýshynyń qyzmetine tólenetin aqy mólsheri bekitildi

ASTANA. QazAqparat – Jeke sot oryndaýshylarynyń qyzmetine tólenetin aqy mólsheri bekitildi, dep habarlaıdy QazAqparat tilshisi.

Ádilet mınıstri Azamat Esqaraev tıisti buıryqqa qol qoıdy. Qujatta jazylǵandaı, endi jeke sot oryndaýshylardyń qyzmetine myna mólsherde aqy tólenedi:

múliktik (aqshalaı) sıpattaǵy atqarýshylyq qujattar úshin mynadaı somalar boıynsha:

- 60 AEK-ke deıin bolsa – óndirip alý somasynyń 25 paıyzy mólsherinde;

- 60 AEK-ten 300 AEK-ke deıin bolsa – óndirip alý somasynyń 20 paıyzy mólsherinde;

- 300 AEK-ten 1000 AEK-ke deıin bolsa – óndirip alý somasynyń 15 paıyzy mólsherinde;

- 1 000 AEK-ten 5 000 AEK-ke deıin bolsa – óndirip alý somasynyń 10 paıyzy mólsherinde;

- 5 000 AEK-ten 10 000 AEK-ke deıin bolsa – óndirip alý somasynyń 8 paıyzy mólsherinde;

- 10 000 AEK-ten 20 000 AEK-ke deıin bolsa – óndirip alý somasynyń 5 paıyzy mólsherinde;

- 20 000 AEK-ten joǵary bolsa – óndirip alý somasynyń 3 paıyzy mólsherinde.

múliktik emes (aqshalaı emes) sıpattaǵy atqarýshylyq qujattar úshin:

- shyǵarý jáne úıge ornalastyrý, boryshkerdi belgili bir áreketter jasaýǵa nemese olardy jasaýdan tartynýǵa mindetteý týraly atqarýshylyq qujattar boıynsha – jeke tulǵalardan 50 AEK, zańdy tulǵalardan 100 AEK;

- talap qoıýdy qamtamasyz etý, múlikti tyıym salýdan bosatý jáne ózge atqarýshylyq qujattar boıynsha – jeke tulǵalardan 10 AEK, zańdy tulǵalardan 20 AEK;

- balamen qarym-qatynas jasaý tártibi týraly – jeke tulǵalardan úsh aı saıyn 20 AEK mólsherinde.

merzimdi tólemderdi óndirip alý týraly atqarýshylyq qujattar úshin:

- alımentterdi óndirip alý jáne jaraqattanýdan nemese densaýlyqty ózge de zaqymdaýdan keltirilgen zııandy óteý týraly, óndirip alý somasynyń 1 AEK mólsherinde.

Buıryq 10 shildeden bastap kúshine enedi.