Jeke paıdalanýǵa arnalǵan taýarlardy ulǵaıtylǵan kólemde bajsyz ákelý merzimi aıaqtaldy

<p>ASTANA. KAZINFORM &ndash; Jeke paıdalanýǵa arnalǵan taýarlardy bajsyz ákelýdiń ulǵaıtylǵan shegi boıynsha EEK keńesiniń 2023 jylǵy 27 qyrkúıektegi № 94 sheshiminiń qoldanylý merzimi aıaqtaldy. Bul týraly QR QM Memlekettik kirister komıteti habarlady.</p>

Eske salsa keteıik, Eýrazııalyq ekonomıkalyq komıssııa keńesiniń 2017 jylǵy 20 jeltoqsandaǵy № 107 «Jeke paıdalanýǵa arnalǵan taýarlarǵa baılanysty jekelegen máseleler týraly» sheshimimen jeke paıdalanýǵa arnalǵan taýarlardy bajsyz ákelýdiń ulǵaıtylǵan sheginiń qoldanysyn uzartqan bolatyn.

Osyǵan oraı, 2024 jylǵy 1 sáýirden bastap bajsyz ákelý shegi óziniń burynǵy deńgeıine oraldy, ıaǵnı:

alyp júretin nemese alyp júrmeıtin bagajda áýe nemese jaıaý tártipten basqa kólik túrlerimen ákelinetin taýarlar úshin – quny 500 eýroǵa balamaly somadan aspaıdy jáne (nemese) salmaǵy 25 kg aspaıdy;

tasymaldaýshy jetkizetin nemese halyqaralyq poshta jóneltilimderinde jóneltiletin taýarlar úshin-quny 200 eýroǵa balamaly somadan aspaıdy jáne (nemese) brýtto salmaǵy 31 kg aspaıdy.