Jeke málimetter úshin sertıfıkat qanshalyqty qaýipti - Tsıfrlyq damý mınıstrliginiń túsindirmesi

NUR-SULTAN. QazAqparat - QR Tsıfrlyq damý, ınnovatsııalar jáne aeroǵarysh ónerkásibi mınıstrligi Aqparattyq qaýipsizdik komıtetiniń tóraǵasy Rýslan Ábdiqalyqov sertıfıkat jumysynyń tetikterin túsindirip berdi, dep habarlaıdy QazAqparat tilshisi.

«Júıeniń ózi avtomattandyrylǵan rejımde jumys isteıdi. ıAǵnı, paıdalanýshy qaıda barǵanyn, ne istegenin, qandaı qupııa sóz engizgenin eshki qadaǵalap otyrmaıdy. Ol tyıym salynǵan kontentti naqty buǵattaýǵa ǵana baǵyttalǵan. Qarapaıym tilmen aıtar bolsaq, mashına trafıkke qoljetimdilik alady jáne sol trafıkten óziniń qara paraqshasyna engizilgen siltemelerdi tabýǵa tyrysady. Ol paıdalanýshyda júıeden tys ótip bara jatqan siltemeni ózindegi qara tizimmen salystyrady. Eger ol sáıkestikti anyqtasa, onda mundaı suraý salý toqtatylyp, paıdalanýshy eshqandaı jaýap almaıdy. Ne bolmasa «404 betke« degen jazbany kóredi», - dedi ol Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, basqa kez kelgen jaǵdaıda mashına atalǵan aqparatpen eshteńe jasamaıdy. Onyń barlyǵy avtomattandyrylǵan.

«Birinshiden, onymen adamdar jumys istemeıdi. Ekinshiden, azamattarymyzdy bul turǵyda Konstıtýtsııa qorǵaıdy. Bul mashınadan qandaı da bir naqty adamǵa qatysty málimetter alý úshin Jedel izdeý qyzmeti týraly zań, Qylmystyq-protsessýaldyq kodeksi bar. Quqyq qorǵaý jáne arnaýly organdardyń mundaı barlyq is-áreetine joǵarydan qadaǵalaýdy Bas prokýratýra júzege asyrady. Bul aqparattardy bireýlerdiń óz betinshe alýy jáne paıdalanýy zańsyz sanalady», - dedi Rýslan Ábdiqalyqov.