Jeke kýálikti jıi joǵaltatyndar úshin memlekettik baj somasy ósedi

ASTANA. QazAqparat – Elimizde kámeletke tolmaǵan balalarǵa beriletin pasportqa qatysty memlekettik baj somasy tómendetiledi. Bul týraly Senattyń jalpy otyrysynda depýtat Sergeı Karplıýk aıtty, dep habarlaıdy QazAqparat tilshisi.

Atap aıtqanda, búgin Senatta «Salyq jáne bıýdjetke tólenetin basqa da mindetti tólemder týraly» Kodekske jáne «Salyq pen bıýdjetke tólenetin basqa da mindetti tólemder týraly» Kodeksin qoldanysqa engizý týraly» Zańǵa ózgerister engizý týraly» zań jobasy birinshi oqylymda qaralyp jatyr.

«Halyqtyń kóshi-qony bóliginde tıisti normalar qamtylyp otyr. Osy oraıda kámeletke tolmaǵan balalarǵa beriletin pasporttar úshin memlekettik bajdy 8 AEK-ten 4 AEK-ke deıin tómendetý eskerilgen. Sonymen qatar berilgen pasport paraqtarynyń sanyna qaraı memlekettik bajdyń saralanǵan mólsherlemesi (16 jasqa deıingi balalarǵa beriletin 22 betten turatyn pasport – 4 AEK nemese 13 800 teńge, 36 bet – 8 AEK, 48 bet – 12 AEK) engizilmek», - dedi S. Karplıýk.

Onyń aıtýynsha, joǵalǵan qujatty alǵashqy joǵaltqan sátten bastap kúntizbelik bir jyl ishinde 2 jáne odan da kóp ret qalpyna keltirý úshin júgingen kezde, jeke kýálik qaıta berilgende memlekettik baj mólsheri ulǵaıtylmaq.