Jeke kýáligin jıi joǵaltatyn azamattarǵa memlekettik baj mólsheri artady

ASTANA. QazAqparat – Jeke kýáligin jylyna eki retten kóp joǵaltqan adamdarǵa atalǵan qyzmet úshin tóleıtin memlekettik baj mólsheri kóbeıtilmek, dep habarlaıdy QazAqparat tilshisi.

Májlis depýtattary Salyq kodeksine osyndaı túzetý engizý týraly bastama jasap otyr.

Qujat mátininde joǵalǵan jeke kýáligin qalpyna keltirý týraly ótinishti bir jylda úshinshi ret berip turǵan adam 1 AEK (3 450 teńge) kóleminde memlekettik baj tóleıtini aıtylǵan. Qazirgi qoldaynsta Qazaqstan Respýblıkasynyń kez kelgen azamatyjeke kýáligin resimdeý nemese aýystyrǵany úshin 0,2 AEK mólsherinde memlekettik baj tóleıdi.

«Qujatty qaıta resimdeý kezinde memlekettik bajdyń ulǵaıýy azamattardy jeke basyn kýálandyratyn qujattarǵa uqypty qaraýǵa yntalandyrady», – delingen qujatpen qosa berilgen negizdemede.