Jeke kompanııalardyń Qor naryǵyna shyǵýyn yntalandyrýdy jalǵastyramyz - Smaıylov

ASTANA. QazAqparat – Bıyl «QazMunaıGazdyń» IPO-syn ótkizýge qatysty tıisti sheshim qabyldandy. Bul týraly Senattyń jalpy otyrysynda QR Premer-Mınıstri Álıhan Smaıylov aıtty, dep habarlaıdy QazAqparat tilshisi.

«Qor naryǵy KASE alańynda jarııalanǵan kompanııalar boıynsha birtindep damyp keledi. Aktsııalardy kapıtaldandyrý bıyl 50 paıyzǵa artyp, 12 trln teńgege jetti. Qazirgi kezde onda 242 kompanııa tirkelgen», - dedi Á. Saıylov depýtattardyń suraǵyna jaýap bere otyryp.

Úkimet basshysynyń aıtýynsha, «QazMunaıGaz» IPO-ǵa shyǵarylatyn bolady.

«Astana» halyqaralyq qarjy ortalyǵy bırjasynda qazirdiń ózinde 88 emıtent qundy qaǵazdardyń 130-ǵa jýyq shyǵarylymyn jasady. Osy oraıda jeke kompanııalardyń baǵaly qaǵazdarymen Qor naryǵyna shyǵýyn yntalandyrý sharalaryn júzege asyrýdy jalǵastyramyz. Atap aıtqanda, bıyl «QazMunaıGazdyń» IPO-syn ótkizemiz, tıisti sheshimder qabyldandy», - dedi Premer-Mınıstr.

Budan buryn habarlanǵandaı, «QazMunaıgaz» kompanııasy aktsııalaryn halyqtyq ІRO-ǵa shyǵarýǵa jol ashatyn Úkimet qaýlysy jarııalandy.