«Jeke derekterińdi taratamyn»: Óskemen turǵynynan 6 mln teńge bopsalaǵan áıel ustaldy

<p>ÓSKEMEN. KAZINFORM &ndash; Óskemen qalasynyń turǵynynan 6 mln teńge bopsalaǵan áıeldi polıtseıler qolǵa túsirdi.</p>

ShQO Polıtsııa departamenti baspasóz qyzmetiniń málimetine súıensek, tártip saqshylary 26 jastaǵy áıeldi aqsha alyp jatqan jerinen ustaǵan.

«Belgili bolǵandaı, áıel adam jábirlenýshimen buryn tanys bolǵan. Ony jeke basyna qatysty aqparatty taratamyn dep qorqytyp, 6 000 000 teńge talap etken. Er adam polıtsııaǵa júgindi. Uıymdasqan qylmysqa qarsy kúres basqarmasynyń jedel ýákilderi bopsalaýshyny qolǵa túsirdi», - delingen aqparatta.

Qazirgi ýaqytta atalǵan fakti boıynsha sotqa deıingi tergeý amaldary bastaldy. Áıel ýaqytsha ustaý ızolıatoryna qamaldy. Barlyq mán-jaı anyqtalýda.