Jeke derekterdiń qupııalylyǵy eshkimge qupııa bolmaı tur - Danııar Qasqaraýov
«Internet damyǵan zamanda, osy arqyly jasalatyn onlaın-alaıaqtyqta kún sanap ósip otyrǵanyn bilemiz. Internet alaıaqtarǵa qansha jerden tosqaýyl qoıylǵanymen, olardyń aılasy asyp turǵanyn kórip otyrmyz. Mysaly, ártúrli telegramm chattar arqyly qomaqty aqsha tabyńyz dep, talaı úıde otyrǵan analardy aldap jatyr. Іshki ister mınıstrligimen qylmystyq ister qozǵalady. Biraq alaıaqtyń ózin tabý múmkin emes bolyp otyr. Sońǵy aqparattarǵa sáıkes 9 aıda elimizde 15 myń ınternet alaıaqtyq tirkelipti. Onyń ishinde, 3 myńnan astamy resmı bankterdiń atyn jamylyp azamattardy aldaǵan. Osy jerde naqty saýal týyndaıdy. Ózderiniń quryǵyna túsiretin alaıaqtar azamattardyń jeke derekterin, telefon nómirlerin qaıdan alady?! Olarǵa bul derekterdi kim beredi? Qansha jerden adamdardyń jeke derekterin zańmen qorǵap, onyń taralýyn shektesek te, alaıaqtar toqtaıtyn emes. Jeke derekterdiń qupııalylyǵy eshkimge qupııa bolmaı tur», - dedi Danııar Qasqaraýov Іshki ister, Tsıfrlyq damý jáne Ádilet mınıstrlerine joldaǵan depýtattyq saýalynda.
Osy oraıda depýtat jaqynda bir tanysynyń jeke kompanııasyn ashyp, qujattaryn elektrondy Úkimeti arqyly tirketkenin, bul protsess eshkimniń qatysýynsyz, tek portalda jasalǵanyn mysalǵa keltirdi.
«Degenmen, sol kúni oǵan úsh birdeı bankten qońyraý túsip, «arnaıy eseptik shot ashyńyz» degen usynys tústken. Al, ertesi kúni zańgerlik-býhgalterlik qyzmet kórsetetin jeke kompanııa ókilderi habarlasyp, qyzmetterin usynǵan. Eń soraqysy, endi jeke taksopark ókilderi tynymsyz habarlasyp kólik qyzmetin usynyp otyr eken. Bunyń bári nebári 2-3 kúnde oryn alǵan jaǵdaı», - dedi ol.
Danııar Qasqaraýov atalǵan mekemeler jańadan seriktestik qurylǵanyn, onyń basshysy kim ekenin jáne keshe ǵana resmı tirkelgen kásipkerdiń jeke uıaly telefon nómirin qaıdan alyp otyrǵanyn bilmeı dal.
«Býhgalterlik kompanııalar men taksopark ókilderiniń qolyna túsken aqparat alaıaqtarda da joq degenge kepildik bar ma? ıAǵnı, bizdiń jasaǵan jumystarymyzdyń nátıjesiz ekeni aıqyn kórinip tur. Osy rette, atalǵan másele boıynsha der kezinde shara qabyldaýlaryńyzdy suraımyz. Jeke derekterdi qorǵaı almasaq, eldi qalaı qorǵaımyz?!», - dedi májilismen.