Jeke derekterdi qorǵaý: qaı salada shaǵymdar jıi kezdesedi

NUR-SULTAN. QazAqparat – QR Tsıfrlyq damý, ınnovatsııalar jáne aeroǵarysh ónerkásibi mınıstrligi Aqparattyq qaýipsizdik komıtetiniń tóraǵasy Rýslan Ábdiqalyqov jeke málimetterdiń taralýyna qatysty adamdardar kelip túsken shaǵymdardy aıtty, dep habarlaıdy QazAqparat tilshisi.

«Adamdar ashyq túrde jeke málimetterin taratatyn kommertsııalyq ınternet-resýrstarǵa qatysty jıi shaǵymdanady. ıAǵnı adam ǵalamtordaǵy izdeý jelisinde óziniń aty-jónin jazǵan kezde, osyǵan jaýap retinde saıttarǵa siltemeler shyǵarylady. Bul siltemelerdiń ishinde azamat týraly JSN, datalar, týǵan jeri, sot sheshimi sekildi derekter kórsetiledi. Osy oraıda jalpyǵa ortaq resýrstarda artyq derekterdi jarııalaýǵa tosqaýyl qoıý boıynsha sharalardy qabyldadyq. Bul turǵyda memlekettik organdar men jeke ınternet-resýrstarǵa qatysty bolyp otyr», - dedi R. Ábdiqalyqov Ortalyq kommýnıkatsııalar qyzmetinde.

Sonymen qatar azamattar ózderiniń jeke málimetteriniń kópshilikke qoljetimdi oryndarda jáne messendjer chattarynda taralýyna qatysty narazylyq bildirip jatady.

«Turǵyn úı-qurylys kooperatıvteri, kommýnaldyq qyzmetter úıdiń kireberisinde, chattarda boryshkerler tizimin ornalastyrady. Kóp jaǵdaıda bul tizimde turǵynnyń tolyq aty-jóni, mekenjaıy, telefon nómirleri kórsetiledi. Bul jaǵdaılarda artyq derekter taralatynyn baıqaýǵa bolady», - dedi komıtet basshysy.