Jeke derekteri qoldy bolǵan qazaqstandyqtarǵa SMS arqyly habar beriledi

<p>Qazaqstandyqtardyń derbes derekterimen jumys isteıtin mekemeler azamattardyń málimeti qoldy bolǵan jaǵdaıda ıesine habar jiberýge mindetti bolmaq, dep habarlaıdy QazAqparat tilshisi.</p>

Bul týraly «Amanat» partııasynda ótken brıfıngide Májilis depýtaty Ekaterına Smyshlıaeva málim etti.

«Zańǵa usynylyp otyrǵan túzetýdiń taǵy bir jańashyldyǵy – habar berý ınstıtýty. ıAǵnı, men qazir meniń derbes derekterim qoldy bolǵanyn bilmeı júre berýi múmkin. Ony bireý bir jerden kórip, maǵan habarlamasa, sol kúıi habarsyz bolam.
Al biz usynyp otyrǵan norma boıynsha, «1414» nómirinen derbes deregim tarap ketkeni týraly SMS-habarlama keledi. Bul meniń azamat retindegi quqyǵym bolǵandyqtan, retteýshige qońyraý shalyp, derbes deregimniń qoldy bolǵanyn habarlaımyn», - deıdi depýtat.

Onyń sózinshe, qazaqstandyqtardyń derbes derekteri qajetti deńgeıde qorǵalmaýy alaıaqtarǵa jaqsy bolyp tur.

«Qazir kóp adamdar derbes derekteriniń qoldy bolǵanyn bilmeıdi. Sonyń kesirinen túrli alaıaqtar nesıe alýdy usynyp, túrli joldarmen derbes derek ıelerin óz qurbanyna aınaldyrady. Mundaı alaıaqtyqtardy qazir eshkim derbes derektiń qoldy bolýymen baılanystyrmaıdy. Tipti eki máseleniń arasynda baılanys bar ekenin bilmeıtinder de bar. Mysaly, ájelerimizge qońyraý shalyp, aty-jónin aıtyp, nemereleriniń atyn, úı telefondaryn bilip alady da, mazalaı bastaıdy. Mine, qalaı bolyp jatyr?! Al ájeler derbes dereginiń qoldy bolǵanyn sezbeıdi de. Sondyqtan derbes derektermen jumys isteıtin mekemelerge osyndaı mindet júktegeli otyrmyz», - dedi Ekaterına Smyshlıaeva.