Jeke deregi urlanǵandardyń Egov kabınetinde «stop kredıt» tetigi avtomatty túrde iske qosylady

<p>ASTANA. KAZINFORM — Tsıfrlyq damý, ınnovatsııalar jáne aeroǵarysh ónerkásibi mınıstrligi aqparattyq qaýipsizdik komıtetiniń tóraǵasy Rýslan Ábdiqalyqov «stop kredıt» tetiginiń avtomatty qyzmetin jetildirý kózdelip otyrǵanyn aıtty.</p>

«Biz qoldy bolǵan jeke derekterdiń biryńǵaı tizilimin jasaýdy josparlap otyrmyz. Bizdiń elde osyndaı fýnktsıonal bolǵanyn qalaımyz. Ol fýnktsııa búkil álemde bolyp jatqan jeke derek urlyqtaryn tirkep otyrady. Ózderińiz bilesizder, budan Qazaqstan azamattary ǵana emes, búkil álem azamattary zardap shegip otyr. Biz osy urlanǵan derekterdiń ishinen qazaqstandyqtardyń derekterin taýyp, biryńǵaı bazada saqtaımyz. Birinshiden, bul óz azamattarymyzǵa onyń quqyǵy buzylǵanyn jáne shaǵym túsirýge haqyly ekenin habarlaý úshin kerek. Ekinshiden, osy derekter bazasy arqyly ár azamatqa jeke shyǵyp, alaıaqtar habarlasqan jaǵdaıda qalaı áreket etý kerektigin úıretemiz. Úshinshiden, eń bastysy, biz jeke derekter qoldy bolǵan jaǵdaıda elektrondy úkimet portalynda „stop kredıt“ fýnktsııasyn avtomatty túrde qosatyn ókilet alǵymyz keledi», — dedi ol.

Rýslan Ábdiqalyqov atalǵan fýnktsııa byltyrdan beri erikti tártippen jumys istep turǵanyn eske saldy.

«ıAǵnı, azamat elektrondy úkimetten jeke kabınetine kirip, osy fýnktsııany qossa ǵana alaıaqtardan saqtaıdy. Endi jeke deregi qoldy bolǵan azamattardyń syrtynan avtomatty túrde „stop kredıt“ fýnktsııasyn qosýǵa ókilet alýymyz kerek. Eger azamatqa keıin nesıe alý kerek bolsa, eGOV-ke kirip, ol fýnktsııany esh kedergisiz alyp tastaı alady. Biraq nesıe rásimdep bolǵannan keıin ol fýnktsııanyń jalaýshasyn qaıta qosqany durys. Óıtkeni bul ár azamattyń qarjylyq qaýipsizdigi úshin óte mańyzdy», — dedi komıtet basshysy.