Jeke bankter memlekettiń esh qatysýynsyz qurylýy tıis - Nursultan Nazarbaev

ASTANA. QazAqparat - Búgin Úkimettiń keńeıtilgen májilisinde Qazaqstan Prezıdenti Nursultan Nazarbaev jekemenshik bankterge memlekettik qoldaý kórsetýdi toqtatyn ýaqyt jetkenin basa aıtty, dep habarlaıdy QazAqparat.

«BTA bankimen biriktirilgennen keıin aıtarlyqtaı problemany bastan keshirgen júıequraýshy bank «Qazkommertsbanki» saýyqtyryldy. Saýyqtyrý nátıjesinde BTA bankiniń kredıtin «Problemaly nesıeler qory» satyp aldy, al «Qazkommertsbanktiń» óziniń kapıtaldandyrý mindettemesi strategııalyq ınvestorǵa satyldy. Memlekettik qoldaýdyń arqasynda jalpy somasy 4,5 trln teńgeni quraıtyn halyqtyń depozıti, memlekettik jáne jeke kompanııalardyń qarajattary saqtalyp qaldy», - dedi Ulttyq bank tóraǵasy Danııar Aqyshev otyrys barysynda.

Onyń aıtýynsha, Ulttyq bank elimizdiń bank júıesiniń  28 paıyzyn quraıtyn 5 bankke qoldaý kórsetip otyr. Olarǵa halyqtyń 2 trln teńge depozıti jáne kvazımemlekettik kompanııalardyń 2,2 trln teńge depozıtteri men esepshottary ornalastyrylǵan. Aktsıonerlerdiń bankti kapıtaldandyrýǵa yntymaqty qatysýynyń syzbasy uıymdastyrylǵan. Atalǵan bankterge memlekettik qoldaý 653 mlrd teńgeni qurasa, olardyń aktsıonerleri  421 mln teńge somasynda kapıtal salýǵa mindetteme alǵan.

Sonymen qatar, ol Úkimet pen Ulttyq bank iri bankterdi kapıtaldandyrý sharalary baǵdarlamasyn júzege asyrýdy aıaqtaý týraly sheshim qabyldaǵandyǵyn atap ótti.

«Durys. Birinshiden, bankpen jumys istegisi kelgen aýqatty adamdar olardy memlekettiń esh qatysýynsyz quratyndyǵyn barlyǵyna jarııa etýi kerek. Odan keıin bank sátsizdikke ushyraıdy da, memleket onyń «shalbaryn» ustap turýy tıis bolady. Qurǵan eken ózi sońyna deıin jaýap bersin. Ekonomıkany kredıtteý qoldaýdy talap etti. Ulttyq bank júıe quraýshy bankterge bul qoldaýdy kórsetti», - dedi Nursultan Nazarbaev óz kezeginde.