Jeke adamdarǵa avtokólikti lızıngke alýǵa múmkindik beretin qujat pysyqtalyp jatyr

<p>ASTANA. KAZINFORM &ndash; QR Ulttyq ekonomıka mınıstrligi jeke adamdardyń avtokólik pen baspanany lızıngke alýyna múmkindik beretin qujatqa qatysty túsinik berdi.</p>

«QR Parlamenti Májilisiniń depýtattary «Qazaqstan Respýblıkasynyń keıbir zańnamalyq aktilerine jeke tulǵalar úshin lızıng engizý máseleleri boıynsha ózgerister men tolyqtyrýlar engizý týraly» zań jobasyna bastamashylyq jasady. Usynylǵan túzetýler halyqtyń shamadan tys nesıe alý deńgeıin tómendetý jáne azamattardyń áleýmettik ál-aýqaty, sondaı-aq bank sektorynyń jáne jeke lızıngtik kompanııalar naryǵynyń básekege qabilettiligin damytý jónindegi mindetterdi iske asyrýǵa baǵyttalǵan», - delingen Ulttyq ekonomıka mınıstrliginiń Kazinform agenttigine bergen jaýabynda.

Qazirgi kezde zań jobasy múddeli memlekettik organdarda pysyqtalyp jatyr.

Aıta keteıik, qoldanystaǵy QR «Qarjy lızıngi týraly» Zańynyń 4-babyna sáıkes úıler, ǵımarattar, mashınalar, jabdyqtar, qural-saımandar, kólik quraldary, jer ýchaskeleri jáne kez kelgen basqa da zattar jeke kásipkerler men zańdy tulǵalar úshin lızıng nysanasy bola alady.