Jeke adamdardyń shetelden kólik ákelý máselesi qaralyp jatyr - mınıstr

<p>ASTANA. KAZINFORM &ndash; BAQ-ta 1 jeltoqsannan bastap jeke tulǵalardyń shetelden 3 jylǵa deıingi jańa kólik kirgizýine tosqaýyl qoıylatyny týraly málimet tarap jatyr. Qarjy mınıstri Mádı Takıev Májilis otyrysynan keıin ótken baspasóz máslıhatynda osy aqparatqa túsinikteme berdi.</p>

«Bul máseleni jalpy birneshe mınıstrlik qarap jatyr. Ony ózimiz alyp shyǵaryp jatqan joqpyz. Biz shetelden kólik kirgizý protsesiniń tizbeginde eń shetinde turmyz – shlagbaýmdy ashamyz da, jabamyz. Ol máseleni qaraıtyn Saýda mınıstrligi, Ónerkásip mınıstrligi bar. Keshe Úkimet otyrysynda aıttym, osy suraqty qaıta qaraıyq dedim. Barsha táýekelderdi qaıta qarap shyǵaıyq dep aıttyq. Bul ózgeris týra 1 jeltoqsannan bastap kúshine enedi dep aıtýǵa erte. ıAǵnı, 1 jeltoqsanda ózgeris bolady dep kútpeýge bolady. Bir aptanyń ishinde naqty sheshim qabyldaımyz», - dedi mınıstr.

Aıta ketý kerek, Memlekettik kirister komıtetinen taraǵan málimet boıynsha, 1 jeltoqsannan bastap shetelden kólik kirgizýdiń tártibi ózgerýi kerek bolǵan. Naqtyraq aıtsaq, qazaqstandyqtar shetelden el aýmaǵyna kirgizetin kólikterdiń tehnıkalyq reglamentke sáıkestigi týraly qujat rásimdeýge mindettelmek. Al ondaı qujatty tek zańdy tulǵalar ǵana rásimdeı alady. Osylaısha qarapaıym azamattardyń óz betimen shetelden kólik aıdap ákelýine tosqaýyl qoıylýy múmkin.