JEEK otyrysy: Qazaqstan Prezıdenti ekologııalyq qaýipsizdikke qatysty pikir bildirdi
Memleket basshysy Eýrazııalyq ekonomıkalyq odaqtyń klımatqa qatysty kún tártibi oǵan múshe memleketterdiń ekologııalyq qaýipsizdik pen kómirtegine beıtarap damý baǵytyna kóshýdiń jahandyq maqsattaryna beıildi ekenin kórsetedi dep sanaıdy.
Búginde Qazaqstan parnıktik gazdardyń qaldyǵyn azaıtýǵa arnalǵan uzaqmerzimdi strategııany ázirleý salasyndaǵy Parıj kelisiminiń mindettemelerin oryndaý úshin belsendi jumys júrgize bastady.
«2060 jylǵa qaraı Qazaqstannyń kómirteginen beıtaraptyqqa qol jetkizý Doktrınasynyń jobasy ázirlendi», - dedi Prezıdent.
Sonymen qatar Memleket basshysy bul baǵyt boıynsha Eýrazııalyq ekonomıkalyq odaqqa múshe elder ekonomıkasynyń ereksheligi men qurylymyn eskere otyryp, kún tártibindegi «jasyl» ekonomıka maqsattaryna qol jetkizý úshin úkimetter arasyndaǵy tájirıbe almasý men yqpaldastyqty jolǵa qoıýdy usyndy.
Budan buryn habarlanǵandaı, Qazaqstan Prezıdenti Qasym-Jomart Toqaevtyń qatysýymen beınebaılanys rejıminde Joǵary Eýrazııalyq ekonomıkalyq keńestiń otyrysy ótti.