Jedel járdem táýlik boıy qyzmet kórsetpeýi múmkin — mınıstrlik túsinikteme berdi

<p>ASTANA. KAZINFORM &mdash; Qazaqstanda jedel medıtsınalyq kómektiń qoljetimdiligin jaqsartý maqsatynda Densaýlyq saqtaý mınıstrligi jedel medıtsınalyq kómek kórsetý qaǵıdalaryna ózgeris engizý jónindegi buıryqtyń jobasyn ázirlegen bolatyn. Alaıda birqatar BAQ-ta jedel medıtsınalyq kómek kórsetý qaǵıdalaryna ózgerister engizý týraly buıryq jobasynyń mazmuny qate jarııalandy. Osyǵan baılanysty QR Densaýlyq saqtaý mınıstrligi <a href="https://web.telegram.org/k/#@DenMinPR" target="_blank" rel="noopener">túsinikteme</a> berdi.&nbsp;</p>

«Búgin birqatar BAQ-ta jedel medıtsınalyq kómek kórsetý qaǵıdalaryna ózgerister engizý týraly buıryq jobasynyń mazmunyn qate túsindirý jarııalandy. Osyǵan baılanysty biz túsindiremiz: burynǵydaı, 103 nómirine qońyraý shalý arqyly barlyq patsıentter shaqyrtý sanatyna qaramastan tolyq kólemde medıtsınalyq kómek ala alady. Sonymen qatar, jedeldikti jaqsartý úshin jumys ýaqytynda shuǵyldyqtyń IV sanatyndaǵy shaqyrtýlarǵa qyzmet kórsetýge medıtsınalyq-sanıtarııalyq alǵashqy kómektiń mobıldik brıgadalary tartylatyn bolady. Keshki jáne túngi ýaqytta, sondaı-aq demalys kúnderi barlyq sanattaǵy shaqyrtýlarǵa jedel kómek brıgadalary qyzmet kórsetetin bolady. Osylaısha, azamattar úshin eshteńe ózgermeıdi, birde-bir shaqyrtý nazardan tys qalmaıdy jáne patsıentterge qyzmet kórsetýdiń jedeldigi men sapasy odan ári jaqsarady», — dedi Qazaqstan Respýblıkasy Densaýlyq saqtaý mınıstrliginiń resmı ókili Aıgerim Ýrazalıeva.

Eske sala keteıik, buǵan deıin medıtsınalyq kómek kórsetý qaǵıdalaryna ózgeris engizý jónindegi buıryq jobasy ázirlenip, jańa ózgeristerge sáıkes, jedel járdem 4-shi sanattaǵy shaqyrtýlarǵa táýlik boıy emes, keste boıynsha qyzmet kórsetetinin jazǵan bolatynbyz.