Jedel járdem men dárigerge judyryq ala júgirgenderge jaza qatańdaıdy

<p>ASTANA. KAZINFORM &ndash; Sońǵy 5 jylda qyzmettik boryshyn oryndaý barysynda 158 medıtsına qyzmetkeri zardap shekken. Bul týraly Senat depýtattarynyń saýalyna Premer-Mınıstrdiń orynbasary Tamara Dúısenovanyń jaýabynda aıtylǵan.</p>

«Jergilikti atqarýshy organ dereginshe, 2019-2023 jyldary aralyǵynda qyzmettik boryshyn oryndaý barysynda 158 medıtsına qyzmetkeri (2019 jyly — 5, 2020 jyly — 5, 2021 jyly — 10, 2022 jyly — 46, 2023 jyly — 80) zardap shekti. Medıtsına qyzmetkerlerine kúsh kórsetilgen jaǵdaıda Qazaqstan Respýblıkasynyń qoldanystaǵy zańnamasynyń jalpy erejeleri qoldanylady», — dedi Úkimet basshysynyń orynbasary jaýabynda. 

Onyń atap ótýinshe, medıtsına qyzmetkerlerin qorǵaýdy kúsheıtý, sondaı-aq olardyń kásibı mindetterin qurmetteý maqsatynda Densaýlyq saqtaý mınıstrligi medıtsınalyq qyzmetkerlerge qyzmettik boryshyn oryndaý barysynda olarǵa kúsh kórsetilgeni úshin qylmystyq jaýapkershilik bóliginde Qylmystyq kodekske túzetýler engizýge bastamashylyq jasady.

«Daıyndalǵan zańnamalyq túzetýler Bas prokýratýra janyndaǵy vedomstvoaralyq jumys tobynyń (UQK, ishki ister, densaýlyq saqtaý, ádilet, qorǵanys mınıstrligi, tótenshe jaǵdaılar mınıstrlikteriniń qatysýymen) otyrysynda talqylaýǵa belgilengen tártipte usynylady», — dedi Tamara Dúısenova.

Eske salsaq, 27 qańtarda er adam shaqyrýǵa kelgen dárigerler brıgadasynyń júrgizýshisimen sózge kelip qalǵan.

Sodan soń ashýlanyp, judyryq ala júgirgen. 

Kúdikti keıin oblys ortalyǵynan 200 shaqyrym qashyqtyqta ornalasqan qystaqta jasyrynǵan jerinen ustaldy.