Elordada jyl basynan beri jedel járdem qyzmetkerlerine 9 ret shabýyl jasalǵan

<p>ASTANA. KAZINFORM &ndash; Astana qalalyq qoǵamdyq densaýlyq saqtaý basqarmasy medıtsına qyzmetkerleriniń eńbegine qurmetpen qaraýdy surap otyr.&nbsp;&nbsp;</p>

«Ótken demalys kúnderi 103 pýltine jedeldiktiń 3-shi sanaty boıynsha qońyraý tústi. Jedel járdem brıgadasyn áıel adam shaqyrdy. Kórsetilgen mekenjaıǵa kelgen ýaqytta dárigerler mas kúıinde ozbyrlyq tanytqan er adamdy baıqady. Jedel járdem qyzmetkeri medıtsınalyq tekserýge kiriskende, er adam feldsherdi ustap alyp, ony bólmege súırep apardy da, feldsherdiń tamaǵyna pyshaq taqaǵan. Ekinshi feldsher bul týraly «Almaty» aýdanynyń kishi stantsııasynyń aǵa dárigerine habarlap, polıtsııa shaqyrdy. Feldsher polıtsııa qyzmetkerleri kelgenge deıin shabýyldan jaltaryp úlgerdi», - delingen habarlamada. 

Aqparatta aıtylǵandaı eshkim jaraqat almaǵan jáne buzaqyny polıtsııa oqıǵa ornynda ustady. 

«Aıta ketý kerek, elordada kómekke kelgen jedel járdem qyzmetkerleriniń ózderine qaýip tónetin mundaı jaǵdaı jalǵyz emes. Tek 2024 jyldyń qańtar-sáýir aılary aralyǵynda osyndaı toǵyz jaǵdaı tirkeldi», - deıdi qalalyq basqarmadan. 

Osy oraıda, basqarma qala turǵyndaryn medıtsına qyzmetkerleriniń eńbegine qurmet kórsetip, olarǵa qatysty agressıvti áreketterden aýlaq bolýǵa shaqyrady. 

Jedel járdem qyzmetkerleriniń basty maqsaty – shuǵyl medıtsınalyq kómek kórsetý jáne patsıentterdiń ómirin saqtaý ekenin túsiný mańyzdy.

Buǵan deıin habarlaǵanymyzdaı, ótken túnde elorda polıtseıleri áıelin urǵan jigit kómekke kelgen jádel járdem dárigerlerine pyshaq ala júgirgen er adamdy ustady.