Jedel járdem qyzmetkerlerine qatysty zorlyq-zombylyq qatań aıyptalýy tıis - mınıstr

<p>Ótken túni Qaraǵandyda tótenshe jaǵdaı oryn aldy, jedel medıtsınalyq járdem júrgizýshisine laýazymdyq mindetterin atqarý kezinde tanys emes adamdar dene <a href="https://kaz.inform.kz/news/karagandida-er-adam-zhedel-zhardem-zhurgzushsn-urgan-01b640/" target="_blank" rel="noopener">jaraqatyn saldy</a>.</p>

Jedel járdem júrgizýshisi Maqajanov atyndaǵy oblystyq aýrýhananyń nevrologııa bólimshesine mıdyń shaıqalýy, muryn súıeginiń synýy, qabyrǵanyń jabyq synýy, kózdiń gematomasy dıagnozymen emdeýge jatqyzyldy.

Búgingi tańda densaýlyqqa qasaqana zııan keltirý faktisi boıynsha qylmystyq is qozǵaldy.

Vedomstvo taratqan derekke qaraǵanda, jedel járdem brıgadasy túngi 23-30-da dene qyzýy kóterilgen jáne qyzylshaǵa kúdigi bar balaǵa shaqyrtýǵa barǵan. Balany statsıonarǵa tasymaldaý úshin úıdiń aýlasyna jedel járdem kóligi turaqqa qoıyldy, onda sanıtarııalyq avtokóliktiń júrgizýshisine ótip bara jatqan tanys emes adamdar shabýyl jasaldy

Ózderińiz biletindeı, jedel medıtsınalyq járdem qyzmetkerleri táýlik boıy jumys isteıdi. Adamnyń ómiri men densaýlyǵy olardyń jedel áreket etýine baılanysty.

«Biraq azamattar bizdiń feldsherler men „103“ júrgizýshileriniń qandaı qıyn jaǵdaıda jumys isteıtinin árdaıym túsine bermeıdi. Ókinishke qaraı, mundaı agressııa jaǵdaılary, jedel járdem qyzmetkerlerine shabýyl jasaý jıi bolady jáne olar zańmen qatań túrde kinálilerdi jazalaýdy talap etedi», — deıdi mınıstrlik basshysy Ajar Ǵınııat.

Oblystyq densaýlyq saqtaý basqarmasy basshylyǵynyń polıtsııa departamentimen birlesip ýaqytyly áreket etýiniń arqasynda shabýyldaýshy azamattyń jeke basy anyqtaldy.

«Meniń oıymsha, medıtsına qyzmetkerlerine, ásirese jedel járdem qyzmetkerlerine qatysty mundaı zorlyq-zombylyq áreketterine múldem jol berilmeıdi jáne quqyq qorǵaý organdarynyń deńgeıinde de, qoǵamda da qatań aıyptalýy tıis.

Zardap shekken jedel járdem júrgizýshisiniń tezirek saýyǵyp ketýin tileımin jáne barlyq medıtsınalyq jurtshylyqty osy oqıǵa boıynsha tergeý meniń jeke baqylaýymda bolatynyna sendiremin», — deıdi sala mınıstri.