Jedel járdem qyzmetkerleri beıne jetondarmen qamtamasyz etilýi múmkin

<p>ASTANA. KAZINFORM &ndash; Densaýlyq saqtaý mınıstri Aqmaral Álnazarova jedel járdem qyzmetkerleriniń qaýipsizdigin qamtamasyz etý jospary jaıynda aıtyp berdi.</p>

- Kún tártibinde kásiptik qyzmetine baılanysty densaýlyǵyna zııan kelýi múmkin medıtsına qyzmetkerlerin saqtandyrý máselesi tur. Biz bul máseleni keshe ǵana barlyq jedel medıtsınalyq kómek uıymdarynyń basshylarymen talqyladyq. Sonymen qatar, quqyq qorǵaý organdarynyń tájirıbesi negizinde olardy beıne jetondarmen qamtamasyz etý múmkindigi pysyqtalyp jatyr. Bul másele de normatıvtik turǵyda retteletin bolady. Meniń oıymsha, muny isteý qıyn emes, - dedi A. Álnazarova Parlament Májilisindegi tilshiler suraǵyna jaýap bere otyryp.

Budan buryn habarlanǵandaı, qaıtys bolǵan naýqastyń týystary qostanaılyq jedel járdem feldsherin soqqyǵa jyqty.

Osyǵan deıin Beıneýde mas adam jedel járdem qyzmetkerlerine shabýyl jasaǵanyn jazdyq.