Jedel járdem brıgadasy 24 kúndik sábıdi klınıkalyq ólimnen qutqardy

<p>ASTANA. KAZINFORM — Qostanaıda quramynda dáriger Sultan Júsipov pen feldsher Aleksandr Kaletın bar jedel járdem brıgadasy klınıkalyq ólim jaǵdaıyndaǵy nárestege sátti reanımatsııa júrgizdi, nárestege nebári 24 kún bolǵan.</p>

Alǵash ret jaǵdaıynyń kúrt nasharlaýy tamaqtandyrǵannan keıin úıde boldy, bala kógerip, tynys alýyn toqtatty. 103 dıspetcheri bul oqıǵa týraly estigennen keıin, ol dereý brıgadaǵa qońyraý shalyp, brıgada kelgenshe ata-analarǵa telefon arqyly kómek kómektesý úshin «Qońyraýdy ustap turý» rejımine ótti.

Call ortalyǵynyń aǵa dárigeri Aıshat Abzalbekova barlyq ýaqytta jelide qalyp, kómek kórsetý boıynsha usynymdar berdi. Al balanyń ákesi brıgada kelgenge deıin balany aýyr jaǵdaıdan shyǵarý úshin tıisti is-sharalardy anyq jáne saýatty júrgizdi. Degenmen statsıonarǵa barar jolda JMJ kóliginde balanyń júrek jáne tynys alý belsendiligi toqtap, klınıkalyq ólim jaǵdaıy týyndady. Brıgada dárigeri Júsipov Sultan men feldsher Aleksandr Kaletın birden reanımatsııa jasaýǵa kiristi.

— 24 kúndik nárestege traheıany sátti ıntýbatsııalaý júrgizip, ókpeni jasandy jeldetý rejımine aýystyrdy jáne PALS halyqaralyq standarty boıynsha odan ári reanımatsııa jasady. Dárigerlerdiń naqty jáne bilikti is-qımyldarynyń arqasynda bala ómirge qaıta oraldy jáne ol oblystyq balalar aýrýhanasynyń qabyldaý bólmesinde reanımatsııa dárigerlerine aman-esen berildi. Qazir bala qanaǵattanarlyq jaǵdaıda. Statsıonarda em qabyldaýda, — delingen mınıstrlik habarlamasynda. 

Qostanaı jedel járdem qyzmetiniń qyzmetkerlerine aman qalǵan sábıdiń ákesi Farhat Imanbaev jyly lebizin bildirdi.