Jibek Qulymbetova djıý-djıtsý men grepplıngten on dúrkin álem chempıony atandy

<p>17 jasar qazaqstandyq sportshy Jibek Qulymbetova Astanada ótken UWW álem chempıonatynda eki altyn júldege ıe bolyp, 10 dúrkin álem chempıony atandy.&nbsp;</p>

Sportshy eki sanat boıynsha synǵa tústi: «GI» (kımono) jáne «NO GI» (kımonosyz).

Onyń qarsylastary 18-20 jas aralyǵyndaǵy sportshylar boldy. Jarystyń alǵashqy kúni Jibek Ýkraına, Ispanııa, Reseı jáne Qazaqstan ókilderimen 5 jekpe-jek ótkizip, barlyǵynda jeńiske jetti.

Ekinshi kúni ol tórt qarsylaspen kezdesip, barlyq jekpe-jegin merziminen buryn aıaqtady. 

Áleýmettik jelidegi paraqshasynda Jibek birinshi jeńisin qazaq halqyna arnaǵanyn, al ekinshisin aty ańyzǵa aınalǵan samboshy Samat Ramazanov pen onyń jattyqtyratyn akademııasyna arnaǵanyn aıtty.

Aıta keteıik, Jibek Qulymbetova Samat Ramazanovtyń akademııasynda bıyldan beri legıoner retinde jattyǵyp júr.