Jibek Qulambaeva Úndistandaǵy jarystyń shırek fınalyna joldama aldy

<p>ASTANA. KAZINFORM &mdash; Qazaqstandyq, álemniń 337-raketkasy Jibek Qulambaeva Navı-Mýmbaı (Úndistan) ITF W50 týrnıriniń shırek fınalyna shyqty.</p>

Jarystyń 4-raketkasy bolyp tirkelgen qazaqstandyq tennısshi 1/8 fınalda dúnıejúzilik reıtıngide 991-orynda turǵan japonııalyq Anrı Nagatamen sheberlik baıqasty.

Birinshi partııa barysynda J.Qulambaeva 3, A.Nagata 2 breıkpen kózge túsip, set 6:4 esebimen qazaqstandyq sportshynyń paıdasyna sheshildi. 

Ekinshi sette de osy jaǵdaı qaıtalandy — 7:5.

Tartysty ótken match 2 saǵat 4 mınýtqa sozyldy.

Jibek Qulambaeva jartylaı fınalǵa shyǵý úshin álemniń 401-raketkasy, ındonezııalyq Prıska Madelın Nýgrohomen talasady. 

J.Qulambaeva qazirgi sátte WTA Live reıtıngisinde 314-orynǵa kóterilip tur.

Eske sala keteıik, budan buryn Jibek Qulambaevanyń Úndistandaǵy týrnırdi sátti bastaǵanyn jazǵan bolatynbyz.