ASTANA. KAZINFORM - Qazaqstandyq tennısshi Jibek Qulambaeva juptyq synda Nagpýr (Úndistan) ITF W15 týrnırinde top jardy.
Qazaqstandyq tennısshi reseılik Ekaterına ıAshınamen birge jarystyń favorıti ataǵyn aqtap shyqty. Olar sońǵy básekede dodanyń 2-raketkalary, reseılikter Ksenııa Laskýtova - Elına Neplıımen chempıondyq ataqty sarapqa saldy.
Birinshi partııada reseılik jup 7:5 esebimen basym tústi. Budan keıin Qulambaeva - ıAshına kambek jasap, sýper taı-breıkte jeńisti julyp aldy - 6:4, 10:6.
Jibek Qulambaevanyń osy jarysta absolıýtti jeńimpaz atanatyndaı múmkindigi bar. Ol úshin jekeleı synda fınalda úndistandyq Sonal Patıldi jeńse jetip jatyr.
Eske sala keteıik, budan buryn Jibek Qulambaevanyń Úndistandaǵy týrnırde chempıondyq ataq úshin talasatynyn jazǵan bolatynbyz.
Sondaı-aq Jibek Qulambaeva Úndistandaǵy jarystyń fınalyna joldama aldy.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).