Jibek Qulambaeva Úndistandaǵy týrnırde bir kúnde eki jeńiske qol jetkizdi

<p>ASTANA. KAZINFORM &ndash; Qazaqstandyq Jibek Qulambaeva Gýrgaon (Úndistan) ITF týrnırin jeńispen bastady. &nbsp;</p>

Qazaqstandyq tennısshi úndistandyq Ankıta Raınamen birge juptyq synda jarystyń 1-raketkalary bolyp tirkelgen.

J.Qulambaeva – A.Raına bastapqy kezdesýinde úndistandyq Zeel Desaı – japonııalyq Rınon Okývakıdiń mysyn basyp, shırek fınalǵa shyqty – 2:6, 6:3, 11:9.

Qazaqstandyq-úndistandyq jup jartylaı fınalǵa shyǵý úshin japonııalyqtar Akıko Omae – Ikýmı ıAmadzakımen talasady.

Álemniń 493-raketkasy Jibek Qulambaeva jekeleı syndaǵy básekesin de sátti ótkizdi. Ol dúnıejúzilik reıtıngide 951-orynda turǵan úndistandyq Hýmera Baharmýsty oısyrata utty – 6:1, 6:0. 

Jibek ekinshi aınalymda reıtıngide 1001-satydaǵy japonııalyq Rınon Okývakımen synǵa túsedi. Ony utsa, shırek fınalǵa ótedi.

Eske sala keteıik, budan buryn Aleksandr Býblıktiń Dýbaıda 22 eıs jasap, shırek fınalǵa shyqqanyn jazǵan edik.