ASTANA. KAZINFORM — Qazaqstandyq, álemniń 337-raketkasy Jibek Qulambaeva Navı-Mýmbaı (Úndistan) ITF W50 týrnırin jeńispen bastady.
Jarystyń 4-raketkasy bolyp tirkelgen qazaqstandyq tennısshi bastapqy kezdesýin dúnıejúzilik reıtıngide 496-orynda turǵan japonııalyq Hıroko Kývatamen ótkizdi.
Breık almasýmen bastalǵan birinshi partııada J.Qulambaeva odan keıin 4:1 esebimen alǵa ketti. Sosyn 6:2 esebimen támamdady.
Ekinshi set te 6:3 esebimen Jibektiń paıdasyna sheshildi.
J.Qulambaevanyń 1/8 fınaldaǵy qarsylasy keıin anyqtalady.
Jibek qazirgi kezde WTA Live reıtıngisinde 320-satyǵa kóterilip tur.
Qazaqstandyq tennısshi juptyq synda úndistandyq Shrıvallı Bhamıdıpatımen dodanyń 2-raketkasy bolyp tirkelgen. Olar alǵashqy aınalymda kort ıeleri Shehal Mane – Sonal Patılmen sheberlik baıqasady.
Eske sala keteıik, budan buryn Elena Rybakınanyń jańa bapkermen birge maýsymǵa daıyndyqty bastaǵanyn jazǵan edik.
Ámir Omarhanov AQSh-taǵy álemdik jarystyń jeńimpazy atandy.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).