Jibek Qulambaeva Serbııadaǵy jarysta bir kúnde eki match ótkizdi

<p>ASTANA. KAZINFORM &mdash; Qazaqstandyq tennısshi, álemniń 427-raketkasy Jibek Qulambaeva jekeleı synda Kýrshýmlııa-Banıa (Serbııa) ITF W75 týrnırin jeńispen bastady.</p>

Qazaqstandyq tennısshi alǵashqy aınalymda dúnıejúzilik reıtıngide 915-orynda turǵan serbııalyq Dýnıa Marıchtiń mysyn basty.

Birinshi partııada kort ıesi 6:3 esebimen basym túskenine qaramastan, Jibek kambek jasaı bildi – 6:1, 6:1. Tartysty match 1 saǵat 42 mınýtqa sozyldy.

Jibek Qulambaeva ekinshi aınalymda álemniń 306-raketkasy, kanadalyq Karson Brenstınmen sheberlik baıqasady.

Bir kúnde eki match ótkizgen soń ba, qazaqstandyq tennısshiniń japonııalyq ıÝkı Naıtomen birge juptyq synda joly bola qoımady. Jarystyń 3-raketkasy bolyp tirkelgen jup horvatııalyq Petra Martsınko – serbııalyq Lola Radıvoevıchke tartysty básekede ese jiberdi – 6:4, 4:6, 3:10. Bul oıyn saǵat jarymda bitti.

Eske sala keteıik, budan buryn qazaqstandyq jas tennısshiniń Slovenııadaǵy týrnırdiń irikteý syndarynan sátti ótkenin jazǵan bolatynbyz.